Mugabe dien nóg 5 jaar
2009-12-09 02:17
Harare – Pres. Robert Mugabe se party het besluit dat hy as leier van dié party sal aanbly vir minstens die volgende vyf jaar, het amptenare Dinsdag gesê.
Die Politburo van die 46 jaar oue party het die besluit Maandag geneem, net voor sy vyf-jaarlikse kongres wat later hierdie week sal plaasvind.
Dié liggaam het Mugabe (85) as sy enigste kandidaat vir die president van die party ondersteun.
Volgens kenners is dit hoogs onwaarskynlik dat enige veranderinge aangegaan sal word wanneer die kongres se 5000 afgevaardigdes Donderdag begin vergader.
Mugabe is vir die afgelope 35 jaar in beheer van Zanu-PF en is sedert Zimbabwe onafhanklikheid in 1980 ontvang het die leier van dié land.
‘n Persoonlikheid kultus het rondom hom in die party gevorm en sommige amptenare verwys na Mugabe as “die tweede seun van god” of die “allerhoogste leier”.
Sy alleen beheer oor Zimbabwe het in Februarie vanjaar tot ‘n einde gekom toe hy geforseer was om ‘n koalisie regering met sy groot vyand, Morgan Tsvangirai, te vorm.
"Ons het die benoeming vir die party se top vier posisies oorweeg en ondersteun pres. Mugabe as die party se leier en eerste sekretaris,” het Ephraim Masawi, ‘n woordvoerder, gesê.
Adjunk-president Joice Mujuru (54), wie se man, die oud weermagkommandeur Solomon as die mees magtige persoon in die party naas Mugabe gesien word, het bevestig dat haar pos ook behoue sal bly.
Die voormalige voorsitter van die party, John Nkomo, sal die tweede adjunk-president, Joseph Msika wat in Augustus vanjaar dood is, vervang. Simon Moyo (64), ambassadeur in Suid-Afrika sal intree as voorsitter van die party.
Kenners meen dat die goeie afloop van die party se verkiesingsproses ‘n magstryd wegsteek wat sal ontplof wanneer Mugabe doodgaan of aftree.
- Sapa