Mugabe, Tsvangirai vergader
2012-02-06 15:00
Kaapstad – Pres. Robert Mugabe en Morgan Tsvangirai gaan glo vergader ná gerugte dat die premier woedend is oor vertroulike kommunikasie tussen hulle wat uitgelek het, het News Day Maandag berig.
Volgens die berig kom die vergadering nadat 'n vertroulike brief, wat Tsvangirai aan Mugabe en Arthur Mutambara, adjunkpremier, geskryf het, uitgelek en gepubliseer is.
Die brief is deur die staatbeheerde Sunday Mail gepubliseer asook ander publikasies soos die Zimbabwe Mail.
Volgens die berig sal die vergadering die eerste een hierdie jaar wees tussen Mugabe en Tsvangirai en daar word verwag dat daar gepraat sal word oor die uitlekking van vertroulike inligting.
– Volg Nuus24 op Twitter.
- News 24