Mugabe: Tsvangirai is oneerlik
2009-10-31 11:14
Harare – Pres. Robert Mugabe het premier, Morgan Tsvangirai as ‘oneerlik’ beskryf.
“Ons moet nie langer diegene vertrou wie voorgee om deel van die inklusiewe regering te wees nie. Hulle klim in en uit soos hulle wil.”
“Hulle kan nooit opregte vennote wees nie, en hulle moet oneerlik wees.Maar ons wil julle egter verseker dat ons nie hierdie situasie so sal laat voortgaan nie,” het Mugabe gesê.
Tsvangirai, die vorige opposisie leier, het in Februarie by die eenheid saam met sy aartsvyand, Robert Mugabe aangesluit. Dit was gedoen in ‘n poging om die politieke geweld tot ‘n einde te bring en die land se ekonomie te red.
Maar twee weke gelede het Tsvangirai sy verbintenisse met Mugabe se party beeïndig, uit protes teen die arrestasie van Roy Bennett, sy kandidaat as minister van Landbou.
Volgens Mugabe was Tsvangirai se besluit om nie meer sy steun aan ZANU-PF te gee nie ‘skynheilig’.
“ZANU-PF is nie die regering nie, maar deel van die regering, net soos die ander twee partye,” het Mugabe gesê.
Hy het gesê die regering sal voortgaan met hul werk, ten spyte van Tsvangirai se party se besluit om te skuif.
- Sapa