Mugabe: Sanksies moet eers opgehef word
2010-01-28 11:50
Harare - President Robert Mugabe van Zimbabwe se Zanu-PF party het gesê geen toegewings in onderhandelinge met hul vennote in die koalisieregering sal gemaak word voordat sanksies, wat deur Westerse lande ingestel is, nie opgehef word nie.
Zanu-PF en die Beweging vir Demokratiese Verandering (MDC) is tans besig om te onderhandel oor die aanstellings van sleutelfigure in regeringsposte.
Die regerende party het die leier van die MDC, Morgan Tsvangirai, reeds verskeie kere daarvan beskuldig dat hy sanksies teen Mugabe en sy binnekring ondersteun.
Dié verklaring wat deur pres. Mugabe uitgereik is, volg nadat David Miliband, Brittanje se minister van buitelandse sake, gesê het die Verenigde Koningkryk se besluit oor sanksies, hang net af van konsultasie met Tsvangirai se MDC-party.
- Sapa-AFP