Mugabe: 'Moenie staatmaak op wittes'

2012-07-27 11:42

Kaapstad – Robert Mugabe, die Zimbabwiese president, sê Zimbabwiërs moet  “waaksaam wees vir Westerse leiers wat hul lof as goeie leiers besing terwyl hulle die Zimbabwiërs teen hul eie mense draai”.

Mugabe het Westerse leiers gekasty en sê hulle kan Zimbabwiërs gebruik om teen mekaar te veg in hul poging om die land “uit te buit,” het die Herald Online Vrydag berig.

“Daar is mense onder ons wat baie op wittes staatmaak. As julle op hierdie mense staatmaak en nie raaksien dat julle gebruik word nie, is julle simpel,” het hy gesê.

Mugabe se toespraak kom ‘n paar dae nadat die eerste minister, Morgan Tsvangirai, die Europese Unie se besluit verwelkom het om die meeste van die sanksies wat in 2002 teen Zimbabwe opgelê is, op te skort.

– Lees meer hier

– Volg Nuus24 op Twitter