Mugabe: 'Los ons uit'
2009-08-10 14:50
Harare - Volgens president Robert Mugabe moet die Weste ophou inmeng in Zimbabwe se sake, as hulle nie die land se regering kan ondersteun nie.
Mugabe het Maandag by die begrafnis van Zimbabwe se adjunk-president, Joseph Msika, wat verlede week ná ‘n lang siekbed oorlede is, gepraat. Hy gebruik gereeld staatsbegrafnisse om politiese toesprake te lewer.
Volgens Mugabe funksioneer Zimbabwe se regering goed en word dit deur Suid-Afrikaners ondersteun. Hy sê die Weste moet Zimbabwe uit los as hulle dit nie kan raaksien nie.
Sy toespraak volg op Amerika se minister van buitelandse sake, Hillary Clinton, se versoek op Suid-Afrika om Zimbabwe te help om die negatiewe nagevolge van Mugabe se leierskap te verwerk.
-Sapa