Mubarak tree dalk vanaand uit
2011-02-10 18:44
Kaïro – Die Egiptiese president, Hosni Mubarak is in samespreking met die adjunk president, Omar Suleiman, by die presidensiële paleis in Kaïro.
Die lot van president Hosni Mubarak sal blykbaar binne die volgende paar uur besluit word.
Na alle verwagting sal die president van Egipte Donderdagaand uittree.
Die kommandeur van die Egiptiese weermag, Hassan al-Roweny, het blykbaar die skares op Tahrir-plein toegespreek en verklaar dat “alles wat (hulle) wil hê, sal realiseer”.
Hierop het die skare geskree: “Ons dring aan op die val van die regime” en “die regime het geval”.
Intussen het die eerste minister van Egipte, Ahmed Shafiq, aangekondig dat Mubarak gaan uittree en dat die situasie in Egipte binnekort sal opklaar.
President Mubarak sal blykbaar self vanaand die nasie toespreek.
Kliek hier vir die volledige storie.
Volg Nuus24 op Twitter.