Mubarak kan na tronkhospitaal verplaas word
2011-04-25 16:49
Kaïro - 'n Staatsaanklaer in Egipte sê volgens dokters is Hosni Mubarak, die voormalige president, se gesondheidstoestand van so 'n aard dat hy na 'n tronkhospitaal in Kaïro oorgeplaas kan word.
Daar sal hy ondervra word oor aantygings van korrupsie en moord.
Die staatsaanklaer het die ministerie van binnelandse sake versoek om Mubarak na die Mazra-hospitaal in die Torah-gevangenis oor te plaas sodra die hospitaal gereed is.
Mubarak het na die Sharm el-Sheikh-oord by die Rooi See gevlug nadat opstande 'n einde aan sy bewind van 30 jaar gebring het.
Hy is op die dag dat aanklaers gesê het hy moet vir ondervraging aangehou word, in die hospitaal opgeneem, maar die aard van sy ongesteldheid is nie bekend gemaak nie.
- Volg Nuus24 op Twitter.
- SAPA