Mubarak in hof vir slotbetoë
2012-01-09 11:02
Kaïro – Hosni Mubarak, die ontsetelde leier van Egipte, het Maandag by ‘n hof in Kaïro opgedaag vir die begin van slotbetoë wat oor ‘n tydperk van twee dae deur prokureurs van die slagoffers gelewer gaan word.
Aanklaers het verlede week geëis dat Mubarak die doodstraf opgelê word vir sy betrokkenheid by die moord van honderde betogers tydens die opstand teen sy regering in Februarie.
Minstens 846 mense is tydens die opstand dood.
‘n Klein groep betogers en families van die slagoffers het buite die polisie-akademie byeengekom waar die hofsaak gehou word.
Habib al-Adly, die voormalige minister van binnelandse sake, en ses voormalige regeringsamptenare staar dieselfde aanklagte in die gesig.
Mubarak (83) en sy twee seuns, Alaa en Gamal, word ook van korrupsie en wanbesteding van openbare fondse beskuldig.
– Volg Nuus24 op Twitter.
- Sapa-DPA