Mubarak eerste maal tronk toe
2012-02-05 21:55
Kaïro – Egiptiese beamptes sê Hosni Mubarak sal binnekort na ‘n tronkhospitaal geskuif word, sodra die fasiliteit opgeknap is om die 83-jarige voormalige president te huisves.
Die beamptes het Sondag gesê die hospitaal in die Tora-gevangenis in Kaïro sal in “rekordtyd” opgeknap word, maar dat daar geen vasgestelde datum vir die skuif is nie.
Sedert sy in hegtenisneming verlede April is hy eers aangehou in ‘n hospitaal in Sharm el-Sheikh, ‘n toeristedorp, en later in ‘n militêre hospitaal buite Kaïro.
Volgens die beamptes sal byne 50 hoës van die Mubarak-bewind wat by Tora aangehou word, ook na vyf verskillende tronke in Kaïro geneem word. Dié hoës sluit Mubarak se twee seuns in.
Die beamptes het op voorwaarde van anonimiteit gepraat.
- Volg Nuus24 op Twitter
- Sapa - AP