Mosambiek: Polisie skiet 4 dood, 27 beseer
2010-09-02 02:34
Maputo – Polisie in Mosambiek het Woensdag vier mense doodgemaak en 27 beseer toe hulle op betogers geskiet het wat teen stygende kostes betoog, het polisie-woordvoerder Pedro Cossa gesê.
“Vier mense is dood, 142 is in hegtenis geneem en 27 is beseer, insluitende twee polisiebeamptes. Hierdie is voorlopige getalle.
“Twee en dertig winkels is beskadig. Polisie sal voortgaan om die strate te patrolleer,” het Cossa gesê.
Een van die persone wat gesterf het was ‘n 12-jarige seun wat in die kop geskiet is en in ‘n plas bloed op straat gelos is.
Cossa ontken dat die polisie lewendige ammunisie gebruik en beweer dat hulle “altyd rubberkoeëls gebruik”.
Volg Nuus24 op Twitter
- Sapa - AFP