Betogers slaan 2 polisiebeamptes dood
2010-09-02 12:47
Maputo - Twee polisiebeamptes is deur betogers doodgeslaan tydens gewelddadige protesoptrede oor stygende pryse in Maputo, Mosambiek.
Volgens Pedro Cossa, polisiewoordvoerder, is dié beamptes Woensdag deur betogers doodgeslaan. Cossa het ook bygevoeg dat vier betogers dood en en 26 ander beseer is.
Hospitaalverslae hiér het getoon dat sewe mense al in die betoging dood is, insluitende twee skoolkinders wat op pad huis toe in die spervuur beland het.
- Sapa
Volg Nuus24 op Twitter.