Moordsaak weer uitgestel
2011-08-15 18:23
Windhoek – Die hofsaak van Anthea Arnold, wat vroeër vanjaar na bewering haar kêrel met ’n pistool doodgeskiet het, is Vrydag in die hof in Windhoek tot 28 September uitgestel, berig die Republikein.
Die landdros, Venessa Stanley, het die hofsaak uitgestel om die polisie die geleentheid te bied om die ondersoek te voltooi, asook om uitstaande verklarings van twee staatsgetuies te kry.
Arnold word daarvan beskuldig dat sy Michael Bredel (52) in Mei vanjaar met sy pistool buite sy woning in Marconistraat in die Suidelike Nywerheidsgebied in Windhoek doodgeskiet het. Sy is vroeër vanjaar op borg van N$5 000 (R5 000) vrygelaat.
– Lees die volledige storie by Die Republikein.
– Volg Nuus24 op Twitter.