Minstens 143 dood in aanvalle in Nigerië

2012-01-21 18:48

Lagos – ‘n Amptenaar by ‘n hospitaal in die noorde van Nigerië het gesê minstens 143 mense is in gekoördineerde aanvalle in die land se tweede grootste stad dood.

Die amptenaar het Saterdag gesê dié getal is saamgestel uit die lyke wat in ‘n lykshuis in Kano se grootste hospitaal is, sowel as dié wie se lyke reeds deur families weggeneem is om begrawe te word.

Die sekte wat as Boko Haram bekendstaan het Vrydag verantwoordelikheid vir die aanvalle in die stad van meer as nege miljoen mense aanvaar.

Die amptenaar het op die voorwaarde van anonimiteit gepraat.

– Volg Nuus24 op Twitter
 

- Sapa - AP