Miljoene nodig vir cholera-stryd in Kongo
2011-11-19 11:31
Genève – Die Verenigde Nasies (VN) en noodlenigingsorganisasies benodig dringend VSA$5,5 miljoen (sowat R45 miljoen) vir die stryd teen cholera in die Demokratiese Republiek van die Kongo, het 'n woordvoerder van die VN gesê.
Agentskappe beraam dat VSA$3 miljoen benodig word vir water en sanitasie en VSA$2,5 miljoen vir mediese sorg in die vier provinsies langs die Kongo-rivier.
"Die VSA$5,5 miljoen word regtig dringend benodig omdat die reënseisoen binnekort begin," het Elisabeth Byrs, VN-woordvoerder, gesê.
Volgens die VN is 17 515 gevalle van cholera sedert Januarie in agt van die land se 11 provinsies aangemeld.
– Volg Nuus24 op Twitter
- AFP