Migrante op pad na Spanje vas
2011-08-15 14:31
Rabat – Die Marokkaanse vloot het Sondag 44 mense van sub-Sahara Afrika wat in ‘n opblaasbootjie op pad na Spanje was, onderskep, het plaaslike owerhede gesê.
Die migrante, tussen die ouderdom van 20 en 40, is van verskillende Sub-Sahara-lande. Hulle is by Al Hoceima in die noorde van die Middellandse See opgetel.
Die groep is aan die polisie oorhandig voordat hulle na Algerië geneem is.
– Volg Nuus24 op Twitter.
- Sapa - AFP