Michelle Obama fokus op vigs in Botswana
2011-06-24 14:23
Gaborone – Michelle Obama het Vrydag met die tweede been van haar weeklange besoek aan Afrika begin deur te help om ‘n muurbehangsel by ‘n kliniek vir kinders met MIV/vigs in Botswana te verf.
Die siekte is ‘n reuse-uitdaging in Botswana, ‘n land van twee miljoen mense, waar sowat 300 000 wat aan MIV/vigs ly.
Die presidentsvrou wil op haar besoek gesondheid bevorder, met die klem op vigs-voorkoming.
Haar eerste besoek in die land was aan ‘n kliniek in die hoofstad Gaborone wat deur die Baylor Universiteit befonds word. Die kliniek sorg vir 4 000 kinders en hul families.
Obama en haar familielede wat saam met haar op reis het gehelp om ‘n muurbehangsel in ‘n nuwe gedeelte van die kliniek te verf.
Sy het daarna middagete gaan eet saam met vroueleiers van verskillende generasies.
Sy beplan ook ‘n kort besoek aan president Ian Khama voordat sy haar familie vir aandete wil neem by ‘n natuurpark.
Obama het Vrydagoggend uit Suid-Afrika na Botswana gevlieg.
– Volg Nuus24 op Twitter
- AP