Menseregtegroep sien rooi oor 'oorlogsmisdade' in Soedan
2011-05-30 11:39
Juba - ‘n Menseregtegroep het nuwe satellietfoto’s wat glo bewyse verskaf dat Noord-Soedannese soldate in die grensdorp Abyei oorlogsmisdade, insluitend etniese suiwering, gepleeg het.
Die grensdorp Abyei is sowat ‘n week gelede deur troepe van die noorde oorgeneem.
Die Satellite Sentinel Project het in ‘n verklaring beweer dat satellietfoto’s deur DigitalGlobe wys hoe Soedannese weermaglede ‘n derde van alle burgerlike geboue in Abyei verbrand.
Hulle het glo geweld gebruik en het burgerlikes geteiken.
“Die bewyse van satellietfoto’s en bronne op die grond dui op etniese suiwering deur die regering in die Abyei-omgewing,” het die groep gesê.
Die groep gaan al die bewyse aan die internasionale strafhof (ISH) en die Verenigde Nasies se Veiligheidsraad stuur vir verdere stappe.
Omar al-Bashir, Soedan se president, word reeds deur die ISH gesoek vir oorlogsmisdade in die Darfoer-omgewing.
- Volg Nuus24 op Twitter.
- Sapa - AP