Meer veiligheid vir Obama se Kenia-familie
2011-05-13 13:06
Nairobi - Kenia het sekuriteit rondom die huis van Barack Obama, die Amerikaanse president, se stiefouma opgeskerp na die dood van Osama bin Laden, het ‘n beampte Donderdag gesê.
“In die lig van sekuriteitsuitdagings soos terreurdreigemente kan ek bevestig dat ons besluit het om die veiligheid van Mama Sarah se huis op te skerp,” het Francis Mutie, ‘n plaaslike administrateur, gesê.
Mama Sarah is die gewilde naam vir Obama se stiefouma, wat in die weste van Kenia woon.
Daar was nog geen direkte dreigemente teen Obama se familie nie, maar Kenia is op hul hoede vir dreigemente van Al-Kaïda nadat Bin Laden deur spesiale magte van Amerika op 2 Mei in Pakistan doodgeskiet is.
- Volg Nuus24 op Twitter.
- Sapa - AFP