Meer as 90 vas oor dwelmhandel in Nigerië
2011-10-03 16:00
Lagos – ‘n Nigeriese agentskap wat teen dwelmhandel optree, het Maandag bekendgemaak dat hulle in 2011 meer as 90 verdagtes op die Lagos internasionale lughawe in hegtenis geneem het vir handel met dwelms ter waarde van $10 miljoen (sowat R81 miljoen).
“Altwesaam 92 verdagte dwelmhandelaars is op die Lagos-lughawe tussen Januarie en September in hegtenis geneem, waarvan 82 mans en 10 vroue is,” het die nasionale dwelm-wetstoepassingsagentskap (NDLEA) in ‘n verklaring gesê.
Altesaam 203,8 kg onwettige dwelms ter waarde van 1,6 biljoen naira (sowat R81 miljoen), insluitend sowat 80 kg kokaïen, is in dié tydperk gekonfiskeer.
Die NDLEA gaan sy stryd teen dwelmhandel verskerp, het Ahmadu Giade, die agentskap se uitvoerende hoof, gesê.
– Volg Nuus24 op Twitter.
- Sapa - AFP