Mede-stigter van MDC sterf
2010-08-25 01:44
Harare – Gibson Sibanda, ‘n veteraan-arbeidsaktivis en mede-stigter van Zimbabwe se voormalige opposisieparty, het sy lang stryd teen kanker in die ouderdom van 66 verloor, het sy party gesê.
Sibanda het premier Morgan Tsvangirai se MDC-party in 2005 verlaat weens politieke verskille.
Hy was adjunk-leier van Tsvangirai se party totdat hy ‘n senator in Harare se parlement en ‘n staatsminister geword het ná die verkiesing in 2008.
As ‘n arbeidsleier in die koloniale era voor onafhanklikheid in 1980, was Sibanda menigte kere vir sy politieke aktivisme in hegtenis geneem.
Volg Nuus24 op Twitter.
- Sapa - AP