Massaverkragtings duur voort in DRK
2011-07-05 14:20
Nakiele – Sowat 250 vroue is in Junie alleen deur soldate van die Demokratiese Republiek van die Kongo verkrag, toon mediese verslae.
‘n Dokter by ‘n hospitaal in Nakiele het gesê dat 121 plaaslike vroue gerapporteer het dat hulle op die aande van 11 en 12 Junie verkrag is.
Die vorige aand het 55 vroue gerapporteer dat hulle verkrag is in die naby geleë Abala, het ‘n verpleegster gesê. Volgens ‘n ander mediese werker het 72 vroue in Kanguli gesê dat hulle ook daardie aand verkrag is.
Losema Etamo Ngoma, hoof van die hospitaal in Nakiele, het gesê dat die verkragtings deur ten minste 150 gewapende mans uitgevoer is onder die bevel van 'n nasionale weermagkolonel, Nyiragire Kulimushi, wat ook bekend staan as “Kifaru”.
– Volg Nuus24 op Twitter.
- Sapa - AFP