Marokko: Appèl van vermeende terroris verwerp
2012-10-02 12:26
Rabat – 'n Marokkaanse appèlhof het Maandag die veroordeling van 'n man op aanklagte wat verband hou met terrorisme, bekragtig,
Ali Aarrass, met Belgiese en Marokkaanse burgerskap, wou glo ondermeer militante in Algerië oplei.
Die appèlhof het Aarrass tot 12 jaar tronkstraf gevonnis, het Nicholas Cohen, een van Aarrass se prokureurs gesê.
“Die maskerade gaan net voort. Dit het die regters net 90 minute geneem om deur ons appèlaansoek van 40 bladsye
te werk, dit te ignoreer en weer bekentenis wat Aarrass onderteken het terwyl hy gemartel is, toe te laat," het Cohen gesê.
Die verhoor kom ‘n paar dae na die Verenigde Nasies se spesiale rapporteur gesê het dat die marteling van vermeende nasionale veiligheidsmisdadigers gereeld in Marokko voorkom.
Aarrass is in 2008 deur Spaanse beamptes in hegtenis geneem nadat Marokko gevra het dat hy uitgelewer word. Spanje het hom in 2010 aan Marokko oorhandig.
Die uitlewering het plaasgevind ten spyte daarvan dat die VN gevra het of hulle eers kan verseker dat Aarrass nie gemartel sou word nie.
– Volg Nuus24 op Twitter
- Reuters
