Mans skiet 15 in dorpie dood
2011-09-17 20:56
Abidjan – Gewapende mans van Liberië het minsens 15 mense in dorpies langs die grens van Ivoorkus gedood, het die Ivoriaanse amptenare gesê.
Die geweld het Donderdag in die suidweste van die land begin, het die Ivoriaanse ministerie van verdediging gesê.
Agt mense is Saterdag in die gebied gedood.
Matt Wells van die Human Rights Watch het gesê die mans is lojaal aan die voormalige leier van die Ivoorkus, Laurent Gbagbo, en het die grens oorsteek en mense in die dorpie aangeval.
“Party van die dorpsmense se kele is afgesny of geskiet,” het hy gesê. “Hulle het een vrou tromp-op in die rug geskiet.”
– Volg Nuus24 op Twitter.
- Sapa - AP