Mandela-kinderfonds het nie diamante ontvang
2010-08-05 19:13
Johannesburg – Oudpres. Nelson Mandela se liefdadigheidsorganisasie sê hulle het nie die diamante ontvang wat die model Naomi Campbell glo aan die voormalige hoof gegee het nie.
Campbell het Donderdag in die hof gesê dat sy die stene vir ‘n vriend, Jeremy Ratcliffe, gegee het.
Ratcliffe was toe die direkteur van die Nelson Mandela-kinderfonds.
Sy het glo die stene vir hom gegee sodat hy dit vir liefdadigheid kon gebruik.
Volgens die organisasie se huidige woordvoerder, Oupa Ngwenya, het die fonds nie die diamante ontvang nie.
Volgens Ngwenya kon die organisasie nie vir Ratcliffe opspoor nie.
Ngwenya het bevestig dat Ratcliffe nie meer die fonds se hoof is nie, maar ‘n trustee.
Campbell sê sy het Ratcliffe ‘n jaar terug geskakel om te hoor wat hy met die stene gedoen het.
Hy het vir haar gesê dat hy hulle nog het.
Campbell verskyn in die hof oor 'n sogenaamde bloeddiamant wat sy glo as geskenk vanaf Charles Taylor, gewese Liberiese president ontvang het.
Volg Nuus24 op Twitter.
- Sapa - AP