Man wat gay-aktivis vermoor sit 30 jaar

2011-11-11 10:16

Mukono – ‘n Ugandese hof het ‘n man tot 30 jaar tronkstraf gevonnis vir die moord op ‘n gay-aktivis.

Die regter van die hooggeregshof het Donderdag die 22-jarige Sidney Nsubuga Enoch swaar gevonnis na hy erken het dat hy David Kato in Januarie met ‘n hamer doodgeslaan het.

Kato se moord het plaasgevind maande na ‘n foto van hom in ‘n koerant gepubliseer is langs die woorde “hang hulle”.

Enoch het gesê hy is uitgelok toe Kato hom seksueel geteister het.

–  Volg Nuus24 op Twitter.
 

- AP