Man in uniform skiet joernalis dood
2011-12-18 21:33
Mogadisjoe – Die direkteur van ‘n Somaliese nuusstasie sê ‘n joernalis is in Mogadisjoe doodgeskiet.
Die joernalis, Abdisalan Sheik Hassan, het doodsdreigemente ontvang voordat hy Sondag doodgemaak is. Dit is onduidelik of die dreigemente verband hou met die skietery.
Volgens Hamdi Hassan van Horn Cable TV is die 35-jarige joernalis geskiet deur ‘n man in ‘n Somaliese regeringsuniform.
‘n Woordvoerder van die Somaliese regering, Abdirahman Omar Osman, het die moord veroordeel en gesê ‘n volle ondersoek sal volg.
Aanvalle op joernaliste is algemeen in Somalië. Twee ander joernaliste is reeds vanjaar doodgemaak.
- Volg Nuus24 op Twitter
- Sapa - AP