Man agter tralies vir seks met donkie

2010-07-29 00:50

Nairobi – ‘n Hof in Kenia het Woensdag ‘n 30-jarige man tot veertien jaar tronkstraf gevonnis nadat hy seks met ‘n donkie gehad het.

Stephen Kipkemoi Rono is veroordeel nadat hy voor ‘n hof in die suidelike stad van Narok skuld erken het.

Dié pa van twee was aangekla nadat hy seks met ‘n donkie gehad het wat “teen die orde van die natuur gaan.”

Rono het gesmeek dat die regter toegeeflik sal wees aangesien hy glo deur die duiwel mislei is.

“Ek is jammer. Ek smeek vir toegeeflikheid omdat dit die duiwel was wat my gestuur het. Ek bly alleen nadat my vrou my gelos het en met ‘n ander man getrou het,” het hy aan die hof vertel.

Volg Nuus24 op Twitter.

- Sapa - AFP