Mali: Tronkstraf vir betogers wat president aanrand

2012-08-28 21:21

Bamako – Drie mans is in Mali tot ses maande tronkstraf gevonnis nadat hulle in Mei dié land se tussentydse president, Dioncounda Traore, aangerand het, het owerhede Dinsdag gesê.

Traore het kopbeserings tydens die aanranding opgedoen.

Hy is as tussentydse president aangestel nadat weermaglede wat in Maart die mag in die land deur 'n militêre staatsgreep oorgeneem het, ingestem het om die mag aan die president en die parlement terug te gee.

Traore is 'n dag nadat 'n ooreenkoms met kapt. Amadou Sanogo aangegaan is, aangerand. Betogers was woedend oor dié ooreenkoms.

Die tussentydse president het ná die aanval twee maande in Parys deurgebring, waar hy mediese behandeling ontvang het.

Traore het ná sy terugkeer in Julie na Bamako sy aanvallers in die openbaar vergewe.

Hy het verlede week ‘n nuwe tussentydse regering aangewys.
 
– Volg Nuus24 op Twitter.

- Sapa-DPA