Mali: 22 000 Mense vlug weens geweld
2012-02-07 14:45
Genève – Die VN se vlugteling-agentskap het gesê 22 000 mense het reeds uit Mali na buurlande gevlug om die geweld te ontvlug.
'n Woordvoerder van die VN se Hoëkommissie vir Vlugtelinge het gesê die meeste mense wat gevlug het, soek skuiling in Niger, Burkina Faso en Mauritanië.
Adrian Edwards het Dinsdag aan joernaliste in Genève gesê die meeste van die 10 000 vlugtelinge wat in Niger aangekom het slaap buite en het nie toegang tot skuilings, skoon water, kos of medisyne nie.
Hy sê 'n verdere 9 000 mense het in Mauritanië aangekom terwyl 3 000 na Burkina Faso gevlug het.
Geweld tussen die Tuareg-rebellegroep en regeringstroepe het op 17 Januarie in die noordelike deel van Mali uitgebreek.
– Volg Nuus24 op Twitter.
- Sapa - AP