Madagaskar leiers teken ooreenkoms
2009-11-09 01:29
Addis Ababa – Madagskar se vier top figure, insluitend pres. Marc Ravalomanana het Saterdag ‘n ooreenkoms oor magsdeling geteken ter voorbereiding vir die verkiesing aanstaande jaar.
Andry Rajoelina, die self geproklameerde president van die Indiese Oseaan eiland, Ravalomanana en die gewese presidente Didier Ratsiraka en Albert Zafy het ook hul name by die ooreenkoms gevoeg.
Daar is vroeër aangekondig dat die vier ‘n konsensus bereik, en Rajoelina as die oorgangs president verkies het, maar met twee adjunk presidente van ander politieke bewegings.
“Hulle het saamgestem oor die leierskap van die oorgangs institusies, insluitend die presidensie, en ook oor die magsdeling in die regering en ander institusies,” het Tiebile Drame, die VN se onderhandelaar gesê.
Ravalomanana het na die aankondiging van die ooreenkoms gesê hy hoop die land kan nou vorentoe beweeg.
“Ons sal ons bes doen om die situasie in Madagaskar te verbeter, en saam te werk.”
Die 35-jarige Rajoelina het tesame met die weermag se steun op 17 Maart, vir Ravalomanana omvêrgegooi, maar het sedertien misluk om erkenning van die internasionale gemeenskap te kry.
Die staatsgreep kom na maande se geweldadige betogings wat die eiland in diplomatiese en institusionele onsekerheid gelaat het.
- Sapa-AFP