Libiese regering onderhandel glo met rebelle
2011-07-01 13:17
Tripoli – Die Libiese regering is betrokke by direkte en indirekte samesprekings met die rebelle wat Muammar Gaddafi se regime wil omverwerp, het die Libiese leier se dogter, Aisha Gaddafi, gesê.
Die rebelle het egter gesê dat verdere samesprekings met regeringsleiers nie ‘n opsie is nie.
Aisha Gaddafi het Donderdag aan ‘n Franse televisiekanaal gesê dat haar pa ‘n leier vir die Libiese mense is, en dat hy geen rede het om die land te verlaat nie.
Die internasionale strafhof het Donderdag ‘n lasbrief vir Muammar Gaddafi se ingtenisname uitgereik.
“Daar is direkte en indirekte onderhandelinge met die rebelle onderweg. Die vergieting van Libiese bloed moet stopgesit word,” het sy gesê.
“Om dit te doen is ons bereid om met die duiwel saam te werk – en die gewapende rebelle is in dié geval die duiwel.”
– Volg Nuus24 op Twitter.
- Reuters