Libiese rebelle val Bani Walid binne
2011-09-16 13:28
Bani Walid – Libiese vegters is besig om Bani Walid, een van die laaste oorblywende vestings van Muammar Gaddafi se lojaliste, binne te val.
Die rebelle beweeg in gepanserde voertuie en is besig om van die noorde na die middel van die stad te beweeg, het AP Vrydag berig.
Ontploffings en geweerskote kan gehoor word terwyl erge botsings tussen Gaddafi-magte en vegters van die Nasionale Oorgangsraad (NOR) in dié stad plaasvind.
Hisham Nseir, een van die NOR-vegters, het gesê die “gevegte is baie erg en chaoties.”
Hy het gesê dat sy troepe swaar weerstand van Gaddafi se magte kry.
– Volg Nuus24 op Twitter.
- Sapa - AP