Libiese rebelle soek kantoor in Londen
2011-05-12 13:18
Londen - Die hoof van die Libiese rebelleraad gaan Donderdag na Brittanje waar hy ‘n vergadering met David Cameron, die Britse premier, gaan voer oor die moontlikheid om ‘n kantoor in Londen te open.
Mustafa Abdul Jalil, die voorsitter van die Libiese Nasionale Oorgangsraad, sal ook met William Hague, die minister van buitelandse sake, en George Osborne, die minister van finansies, vergader.
Hulle gaan die besluite bespreek wat gemaak is tydens die vergadering wat die kontakgroep verlede week in Rome gehad het.
“Ek is baie bly om Abdul Jalil in Brittanje toe verwelkom,” het Hague in ‘n verklaring gesê.
Van die verskeidenheid kwessies wat bespreek gaan word is die “instelling van ‘n permanente kantoor vir die Oorgangsraad in Londen en die beskikbaarheid van verdere nie-dodelike wapentoerusting en ondersteuning aan die Raad,” het die Britse minister gesê.
- Volg Nuus24 op Twitter.
- Sapa - AFP