Rebelle slaan toe op Gaddafi-magte
2011-08-01 08:40
Benghazi – Libiese rebelle het Sondag ten minste 63 mense in hegtenis geneem tydens ‘n projek om veiligheid in Benghazi op te skerp, het ‘n woorvoerder gesê.
“Ons het in die oggend ongeveer 38 mense aangekeer en later in die dag nog 25,” het Mustafa al-Sagazly gesê.
Die inhegtenisnames is gemaak kort na ‘n vyf uur lange klopjag op ‘n fabriek.
Die rebelle het beweer dat die fabriek die basis is vanwaar gewapende groepe bevele van die Gaddafi-regime uitvoer.
“Vier van ons soldate is in die sending dood,” het Sagazly gesê. “Maar daar is ook vyf Gaddafi-troepe dood.”
– Volg Nuus24 op Twitter.
- Sapa - AFP