Libiese rebelle hervat binnekort aanvalle
2011-05-31 18:45
Benghazi - Libiese rebelle het gewaarsku dat hulle binnekort met 'n nuwe offensief teen Muammar Gaddafi gaan begin, berig RSG.
Die rebelle het gister ná bemiddeling deur president Jacob Zuma Gaddafi se jongste aanbod om 'n skietstilstand verwerp.
Zuma het ná samesprekings met Gaddafi die Libiese leier se aanbod in Tripoli bekendgemaak.
Zuma het gesê Gaddafi wil hê dat Libiese burgers self met mekaar moet praat om die konflik te beëindig.
Hy het gesê Gadaffi is egter gereed om die Afrika Unie se voorstel oor 'n skietstilstand te aanvaar.
Zuma het nié gesê die Libiese leier is gereed om uit te tree nie, hoewel dit een van die hoofeise van die rebelle is.
- Volg Nuus24 op Twitter.
- RSG