Libiese rebelle glo Gaddafi is omsingel
2011-08-25 15:58
Tripoli – ‘n Groep rebelle het woonstelgeboue naby kol. Muammar Gaddafi se kamp in Tripoli aangeval omdat hulle glo dat Gaddafi saam met sy seuns in die geboue wegkruip.
Rebelle was in skietgevegte betrokke met Gaddafi-lojaliste binne dié geboue. Hulle het nie gesê hoekom hulle oortuig is dat Gaddafi en sy seuns daarbinne skuil nie.
“Hulle is saam. Hulle kruip in ‘n klein gat weg. Vandag maak ons klaar. Vandag is die einde,” het Muhammad Gomaa, een van die rebelle, gesê.
Intussen is die Corinthia Bab Africa-hotel in Tripoli, waar talle buitelandse joernaliste vasgekeer is, ook Donderdag aangeval.
“Swaar skietgevegte is in Tripoli, net buite ons hotel, aan die gang... Hulle skiet ook op die hotel waarin ons bly,” het ‘n AFP-korrespondent gesê.
– Volg Nuus24 op Twitter.
- Reuters