Libiese olie-minister bedank
2011-06-02 19:58
Rome - Shokri Ghanem, ‘n belangrike olie-amptenaar in die Libiese regering,het Woensdag aangekondig dat hy uit Muammar Gaddafi, die leier van Libië, se regering bedank het.
Ghanem, die hoof van die Nasionale Oliekorporasie, is ook 'n voormalige eerste minister.
Hy het gesê sy rede vir die bedanking is dat die geweld skynbaar onuithoudbaar geraak het.
Die bedanking volg op ‘n oorlopery van agt senior weermagoffisiere, asook senior diplomate en voormalige ministers.
“Daar is baie druk van binne en buite Libië op die oomblik. Daar kan baie oplossings vir die krisis gevind word. Ek glo ‘n vredevolle oplossing kan ook gevind word,” het hy gesê.
Ghanem het gesê hy kies om deel te wees van 'n staat wat menseregte respekteer. Hy is tans in Rome.
- Volg Nuus24 op Twitter.