Libië sal Saif nié aan strafhof oorhandig
2011-11-22 23:00
Tripoli – Libië sal Muammar Gaddafi se seun, Saif al-Islam, nie aan die internasionale strafhof (IS) vir ‘n verhoor oorhandig nie, het ‘n minister gesê terwyl die IS se hoofaanklaer die land besoek.
“Kortweg gestel, ons gaan hom nie oorhandig nie,” het Mohammed al-Allagui, die tussentydse minister van justisie, Dinsdag gesê.
Saif se verhoor “is die spesiale verantwoordelikheid van die Libiese howe. Dit dui op ons heerskappy oor ons grondgebied en oor ons burgers,” het Allagui gesê.
Die uitspraak is gemaak terwyl Luis Moreno-Ocampo, die hoofaanklaer van die IS, Tripoli besoek het om oor die jurisdiksie van die sake van Saif en Abdullah al-Senussi, die voormalige minister van intelligensie, te vergader.
Beide Saif en Senussi word deur die IS gesoek op aanklagte van misdade teenoor die mensdom.
Allagui het gesê die aanklaer is meer as welkom om ‘n vergadering met Saif te hê terwyl hy in aanhouding is om bekommernisse oor hoe hy behandel word te besweer.
– Volg Nuus24 op Twitter.
- Sapa - AFP