Libië: Nuwe weermag is topprioriteit
2011-12-05 10:40
Tripoli – Die Libiese minister van verdediging het gesê sy topprioriteit is om die land se weermag te herbou.
Osama al-Juwali het gesê sy grootste uitdaging is om die revolusionêre faksies te verenig wat gehelp het om Muammar Gaddafi se regime omver te werp.
Hy het ook gesê dis nog te vroeg om vegters in Tripoli te ontwapen.
Al-Juwali was die bevelvoerder van die revolusionêre magte van Zintan, ‘n stad in die westelike gebergtes. Sy vegters het gehelp om Tripoli oor te neem en het verlede maand vir Saif al-Islam, Gaddafi se seun, gevange geneem.
Al-Juwali is Sondag as die nuwe minister van verdediging ingesweer voor die land se nuwe leiers en ministers van die kabinet.
– Volg Nuus24 op Twitter.
- Sapa - AP