Libië: Navo bombardeer wapenstoorplek
2011-06-03 13:23
Brussel – Navo het Donderdag bevestig dat hy ‘n lugaanval vroeër die week op een van Muammar Gaddafi se wapenstoorplekke uitgevoer het.
Die stoorplek is naby aan die dorp Waddan en is Sondag deur Navo bombardeer.
Gaddafi se magte kry ammunisie van fasiliteite soortgelyk aan die een in Waddan om aanvalle op burgers te loods, het Navo gesê.
“Navo sal nie die aanhoudende aanvalle op die burgers van Libië duld nie. Ons sal aanhou om die noodsaaklike militêre fasiliteite met noukeurigheid aan te val,” het lt.genl. Charles Bouchard, ‘n bevelvoerder van Navo se Unified Protector-operasie, gesê.
Navo het Woensdag sy sending in Libië met ‘n verdere 90 dae verleng.
- Volg Nuus24 op Twitter.
- Sapa-DPA