Libië: Gaddafi se seuns glo vas
2011-08-22 07:00
Tripoli – Die rebelle in Libië wat Sondagaand die hoofstad, Tripoli, binnegeval het, het gesê twee seuns van Muammar Gaddafi is in hegtenis geneem, het Al Jazeera berig.
Seif al-Islam en Mohamed is in hegtenis geneem in ‘n toeristegebied in die weste van Tripoli, het Abu Bark al-Tarbulsi, ‘n woordvoerder van die rebelle, in Tripoli aan Al Jazeera gesê.
Daar is nog geen nuus oor waar Gaddafi hom bevind nie.
Die rebelle het intussen die Groen Plein naby Gaddafi se kamp betree.
Hulle het gesê Gaddafi se magte het teruggeval en heelwat is gevange geneem.
Inwoners van Tripoli het die strate ingevaar om die rebelle te bedank en by te staan.
- Volg Nuus24 op Twitter
- Sapa-DPA