Libië: Boot met vlugtelinge sink
2011-05-09 10:38
Rome - Vlugtelinge van Libië wat Sondag in Italië aangekom het, het gesê dat hulle gesien het hoe ‘n ander boot met nog vlugtelinge gesink het naby die Libiese kus en dat daar “baie lyke” in die water gedryf het, het ANSA, ‘n Italiaanse nuusagentskap, gesê.
“Hulle was voor ons, nie ver van die kus af nie, toe die oorlaaide boot gesink het,” het ‘n ooggetuie gesê.
“Dit was aaklig. Daar het baie lyke rondgedryf,” het die vlugteling, wie se naam nie bekend is nie, gesê.
Volgens ANSA is talle immigrante dood terwyl van hulle dit reggekry het om na die kus toe te swem.
Italiaanse koerante het vroeër berig dat ‘n boot met sowat 600 vlugtelinge naby Tripoli gesink het. ‘n Katolieke biskop en ‘n ANSA verslag is in die berig aangehaal.
- Volg Nuus24 op Twitter.
- Sapa - AFP