Leier vra vir geweld in Nigerië
2010-07-02 15:37
Lagos - Die leier van ‘n Moslem-splintergroep wat in Nigerië die dood van sowat 700 mense veroorsaak het, het ‘n video uitgebring wat ‘n beroep doen op lede om nuwe geweld te laat opvlam.
Dié video vra vir geweld op die eenjaar herdenking van dié dodelike aanvalle.
Imam Abubakar Shekau het glo ná die geweld in Julie 2009 by die leiers van die splintergroep, Boko Haram, oorgeneem.
Polisie het na verlede jaar se geweld gesê hulle het hom doodgeskiet, maar Shekau is glo slegs gewond en is deur “ander volgelinge en gelowiges wat deur Allah beskerm word”, gered.
Daar is nog nie bevestig of die bandopname wat ‘n beroep doen op geweld geloofwaardig is nie.
Volg Nuus24 op Twitter.
- SAPA