LRA weer aan die aanval
2009-08-07 12:14
Genève - Volgens die Verenigde Nasies (VN) het die rebellegroep, Lord’s Resistance Army (LRA), Vrydag dorpies in die noordooste van die Demokratiese Republiek van die Kongo (DRK) aangeval en geplunder.
Volgens die VN se vlugtelingagentskap (UNHCR), het die groep baie mense tydens die aanval ontwortel, vermoor, verkrag en huise aan die brand gesteek.
Die UNHCR sê die situasie hiér is aan die agteruitgang.
"Die humanitêre situasie in hierdie afgeleë deel van die DRK verbeter nie. Dit is moeilik om hulp aan die mense hier te verleen omdat veiligheid ‘n groot kommer is”, het Andrej Mahacic aan verslaggewers in Genève gesê.
Die LRA, onder leiding van die Ugandese rebel, Joseph Kony, staan aangekla op ernstige menseregteoortredinge. Die groep word tans deur die weermag van verkillende lande gesoek en het sedert September 2007 sowat 1273 mense ontvoer, waarvan 655 kinder is.
Sowat 270 000 mense is ook al in aanvalle deur dié groep ontwortel.
-Sapa