'Kongo-koors' neem toe onder SA boere

2012-06-06 20:56

Kaapstad – Honderde boere staan tans tou om ook hul boerderybedrywighede na die Kongo uit te brei, het die voorsitter van Agri SA se Afrika-komitee gesê.

Dr. Theo de Jager sê sedert die eerste suksesse van die groep boere wat hulself reeds in dié land gaan vestig het, bekend geword het, het honderde boere Kongo Agri en die regering van Kongo Brazzaville al gekontak, het Landbou.com berig.

Volgens De Jager moedig die Kongolese regering boere aan om deur middel van Kongo Agri met hom te skakel aangesien die organisasie vir dié doel gekontrakteer is.

Ná die sukses wat dié boere gehad het om hul eerste mielies in die grond te kry, het die Kongolese regering aangedui dat hy van plan is om nog sowat 45 000 ha se grond moontlik aan Suid-Afrikaanse boere beskikbaar te stel.

Lees meer hier

Volg Nuus24 op Twitter