Kommer oor cholera in Somaliese hawestad

2012-07-13 15:14

Cholera (Shuttertstock)

Die Wêreldgesondheidsorganisasie (WGO) sê hy is bekommerd oor die toenemende aantal cholera-gevalle in ’n stad in die suide van Somalië wat deur militante beheer word.

Ongeveer 639 gevalle van cholera is vanjaar by ’n hospitaal in die hawestad Kismayo gerapporteer, het die WGO Vrydag gesê.

Cholera-simptome is soortgelyk aan diarree, maar cholera-lyers kan binne enkele ure sterf indien hulle nie behandeling ontvang nie. In die meeste gevalle is die slagoffers kinders onder die ouderdom van agt jaar.

Kismayo is die laaste groot militante-vesting van die rebelle-groep al-Shabab. Keniaanse militêre magte is op pad na Kismayo en Keniaanse leiers beloof om binnekort beheer te neem van die dorp.

Die WGO sê dat ekstra mediese voorrade na die geteisterde gebied gestuur gaan word, maar dat onlangse gevegte dit moeilik maak om onmiddellik na die cholera-gevalle om te sien.
 
– Volg Nuus24 op Twitter.

- AP