Klimaat kan ekonomie in Uganda knou
2009-12-07 18:20
Kampala - Die gemiddelde temperatuur in Uganda gaan oor die volgende twee dekades met 1.5°C styg en landbou en die voortbestaan van landelike gemeenskappe erg beskadig, lui 'n verslag.
Lande in Afrika se Great Lakes-streek sal 'n soortgelyke styging in temperatuur ondervind tensy menslike aktiwiteite wat klimaatsverandering veroorsaak, nagegaan word, het lui Uganda se bevolkingsverslag van 2009 wat gesamentlik met die Verenigde Nasies se Bevolkingsfonds gepubliseer is.
"Klimaatsverandering wat deur mense veroorsaak word, gaan Uganda se temperature met 1.5°C in die volgende 20 jaar verhoog en tot minstens 4.3°C in die 2080's."
Dié styging in temperatuur gaan die land se geskiktheid om koffie te groei, dramaties verlaag.
Die verslag voorspel ook groot ontwrigting in die reënvalpatroon, die styging van vloede en droogte en waarskuwings dat boere in dié Oos-Afrika-nasie nie by dié toestande sal aanpas nie.
Volgens die verslag gaan vroue in landelike, verarmde gebiede erger geraak sal word deur klimaatsverandering omdat die land al hoe warmer gaan word en die reënval meer wisselvallig wat dit moeilik gaan maak om meer kos te groei.
Klimaatsverandering gaan Ugandese vroue dus verplig om harder te werk om basiese hulpbronne te verseker en minder tyd om hulself op te voed of 'n inkomste te verdien.
Luidens die verslag sal meisies ook uit die skool moet gaan om hul ma's te help.
– Sapa-AFP