Kenyatta verskyn in internasionale strafhof
2011-09-30 20:04
Den Haag – Uhuru Kenyatta, die Keniaanse adjunk-eersteminsiter, het persoonlik voor die internasionale strafhof in Den Haag verskyn in verband met die geweld ná die presidentsverkiesing in 2007, berig RSG.
Kenyatta het in 'n beëdigde verklaring die beskuldigings ontken dat hy gehelp het om die geweld te organiseer waartydens 1 200 mense dood is.
Kenyatta is saam met Hussein Ali, die voormalige polisiehoof, en Francis Muthaura, die hoof van die publieke diens, van misdade teenoor die mensdom aangekla. Al drie het skuld op dié aanklagte ontken.
Kenyatta beplan om deel te neem aan aanstaande jaar se presidentsverkiesing en hoop om die strafhof te oortuig om aanklagte teen hom te laat vaar.
– RSG
– Volg Nuus24 op Twitter.