Kenia waarsku teen vloede

2010-05-14 17:00

Nairobi – Die Keniaanse regering het gewaarsku teen vloede weens vrese dat verskeie damwalle as gevolg van swaar reënval kan oorstroom.

Sowat 77 mense het reeds sedert Maart weens die vloede gesterf wat verskeie dele van die land teister.

“Die regering het ‘n waarskuwing uitgestuur aan al die burgers en veral die wat naby die hoofriviere woon,” is in ‘n persverklaring gesê.

Volgens die Rooikruis in Kenia is sowat 128 000 mense reeds deur die vloede geaffekteer en het hulle dringend finansiële-bystand nodig.

Lees meer hier.

Volg Nuus24 op Twitter.